Cabanas da Ría

Cabanas da Ría son tres cabanas temáticas nas que prima a integración e respecto ao medio que nos rodea, a nosa principal filosofía, un turismo responsable con conciencia ambiental e posta en valor do natural. Para isto levamos ás nosas cabanas a esencia da nosa ría, fauna e flora, é dicir, unhas cabanas exclusivas para aves pasaxeiras!

A madeira á deriva que nos devolven as canles dos ríos e o mar, participan do encanto e intégranse nelas. A enerxía verde, a reciclaxe e o aproveitamento da agua da choiva forman parte do noso día a día.

Aquí alóxanse dúas das aves mariñas máis características da nosa ría, a Ría de Lires:
Cabana “A Garza” e Cabana “A Gaivota”.

Ademais, quixemos ilustralas con artesanía, paisaxes, e incluso cultura popular esperando que as desfrutedes como se fose o voso paraxe particular.

Como excelencia do romanticismo, fixémoslle honra ao nome da finca recordando as súas orixes,… xorde así a nosa cabana suite, Cabana “O Palleiro”.

Unha cabana accesible, diáfana e de forma octogonal, onde o teito panorámico vos deixará contar estrelas ou bañarvos coa agua da choiva…

Para que non morra a inspiración deixámosvos unha obra mestra, unha posta de sol plasmada na vosa cabeceira da cama, un verso con firma de autora, un jacuzzy na terraza e o canto dos nosos amigos os paxaros!