Restaurante aCantina

aCantina é un restaurante da Ribeira Sacra que abriu as súas portas en 1947 como supermercado, bar, bodegón e comedor, incluída unha sala de cine. No ano 2005 procedeuse á rehabilitación integral como espazo lúdico-gastronómico onde conflúen historia e futuro, nostalxia e vangarda.

Gastronomía e compromiso

Nas terras do interior de Galicia hai bosques frondosos onde a caza é abundante e o universo micolóxico infinito, prados onde o gando atopa os mellores pastos e hortas con vexetais de tempada. Excelentes materias primas para unha cociña rica e elaborada na que non poden faltar os viños da propia terra.

O compromiso de Restaurante aCantina cos nosos clientes baséase no concepto de calidade total estendido a todos os aspectos da actividade, desde o trato persoal ata a prestación de calquera tipo de servizo que estea ao noso alcance.

Os nosos clientes, a través das súas inquietudes, axúdannos a mellorar, a ser mellores. Sempre estamos abertos a escoitar opinións e críticas, como unha ferramenta máis que nos axuda a acadar os nosos obxectivos.

Se estás pensando en onde comer durante a túa visita á Ribeira Sacra , non dubides en vir a aCantina. Poderás probar as nosas especialidades, típicas da Galicia interior e elaboradas co cariño da túa avoa. Elaboramos os pratos máis típicos da gastronomía da zona con produtos autóctonos, verduras e produtos da horta e por suposto, carne de interior, o noso principal produto.

Acompaña a túa comida co recoñecido viño Ribeira Sacra , con denominación de orixe establecida dende 1997. Traballamos coas grandes adegas produtoras de Amandi: Regina Viarum, Guímaro, Ponte da Boga, Peza do Rei, Adega Vella, Don Bernardino, Frieira. , Estrela, Reitoral de Amandi, Régoa, etc.

Ten un pequeno parque infantil no exterior.